Бала-біздің болашағымыз!

Тәуелсіз еліміздің болашағы - балалар. Осы уақытқа дейін аткарылған істердің жалғастырушысы да, қоғамның тегершігін алға айналдыратын да солар болады. Елбасымыз өз сөзінде: «Біздің балаларымыздың тамаша келешегі бар. Қазіргі заманда кез - келген мемлекеттің тыныс-тіршілігін қалыпты ұстап тұрудың аса маңызды шарты - адамдардын өздері, олардың ерік - жігері, қажыры, білімі болып табылады. Ата - аналар өз балаларын өмірге даярлауға ерекше көңіл бөлуі тиіс. Олар қазіргі балалар елдің болашағын анықтайтын XXI ғасырдың ересек адамдары екенін түсінуі қажет,» - деп үлкен сенім білдіреді. Барлық жағдай жасалған. Елдің болашағы ретінде балалардың мүддесін ойлау, құқығын қорғау -иманды істің бірі. Жас жеткіншектердің шығармашылығын дамытуға, рухани байлық алуына көптеген игі іс-шаралар ұйымдастырылуда, отанға деген сүйспеншілік, туған жерге деген махаббат, бейбітшілік пен достық, мемлекеттік рәміздер мен еліміздің мемлекеттік тілі - бәрі балаларға арналған іс-шаралардың негізгі тақырыбы. Ел көлемінде атқарылып жатқан мұндай игі шаралар балғын болашағымыз - балалардың білім ұясын реттеуге бағытталады.